Ericio

Que significa le vocabulo ericio in interlingua? Illo es le protagonista de iste video, que io filmava hodie durante mi promenada quotidian con le minuscule Alexandro:

Evidentemente le ericio non sensava mi presentia, usque le momento quando io probava a approximar me a circa 30 centimetros; io suppone, que illo voleva dicer me: “tu ha essite bastante fortunate a vider me; alora, non vole troppo!”. Io le regratiava pro su apparition, e continuava le promenada. Alexandro infortunatemente sempre esseva in le culla, dormiente como un angelo, incurante de ulle cosa.